Wasiirada socdaalka iyo qaxootiga Marjolen Faber ayaa is-hortaag ku sameysay in abaalmarin la siiyo hay’adaha, ururada iyo shaqsiyaadka sida mutadwacnimada ah u caawiya qaxootiga.
“Xisbigeyga PVV wuxuu ka soo horjeedaa kororka qaxootiga dalka, siddeen qof qaxootiga caawiya abaalmarin u siin karaa?” Ayeey tiri Faber, waxeeyna intaasi ku dartay in haddii ay aqbasho abaalmarinta kuwa qaxootiga caawiya in ay ka hor imaaneyso wax ay ku tilmaantay mabaa’diida xisbiga ay ka tirsan tahay.
Hadalka Faber, waxaa si weyn kaga horyimid xisbiyada Dowladda kala tirsan PVV-da, oo ay ka mid yihiin BBB, VVD & NSC, oo ku tilmaamay hadalkaasi dhaqan ugub ku ah siyaasada dalkan.
Xisbiyadu, waxeey sheegeen inaan abaalmarin loo diidi karin dadka ka caawiya soogalootiga cusub siddeey dalka ula qabsan lahaayeen, luqada u baran lahaayeen, shaqo u raadsan lahaayeen, ugana mid noqon lahaayeen bulshada.
“Inaad diido abaalmarinta la siiyo dadka qaxootiga caawiya waxeey la mid tahay adigoo danaha dalkan ka horyimid” Sidaa waxaa yiri madaxda xisbiyada NCS Pieter Omzigt, BBB Caroline van der Plas & VVD Dilan Yasilgos.
